Ronela Hajati e ftuar në emisionin “Rudina” ka folur për herë të parë për planet e saj për familjen. Hajati rrëfen se ka shumë dëshirë të bëhet nënë, por pret momentin e duhur pasi tani tema kryesore e jetës së saj është karriera. Duke komentuar videoklipin e këngës më të re me titull “Maje Men” ku shfaqet me një bebe, moderatorja Rudina Magjistari e pyet: “Si të duket vetja me bebe në krahë?”
“Po do të bëj edhe unë një bebe. Jo tani, sepse e di që kur të bëhem me fëmijë do t’i përkushtohem tërësisht atij. Do të jem një nënë e rreptë” – u përgjigj Ronela.
Më 21 Prill, Ronela Hajati publikoi klipin e saj më të ri me titull “Maje Men”, që ka arritur rreth 422 mijë klikime në rrjetin social “Youtube”.
