Pas më shumë se një muaji thashethemesh, Iggy Azalea ka konfirmuar se është bërë nënë për herë të parë.
Reperja australiane bëri disa postime në Instagram të Mërkurën në mëngjes për të dhënë lajmin e bukur.
“Unë kam një djalë”, ishte një ndër postimet në InstaStory.
Repreja, emri i vërtetë i së cilës është Amethyst Amelia Kelly- vijoi më pas: “Po vazhdoja të prisja kohën e duhur për të thënë diçka, por ndihem sikur sa më shumë kohë kalon, aq më shumë e kuptoj se do të jem gjithmonë në ankth për të ndarë një lajm të madh me botën”.
Ajo shprehet më pas se ka dashur ta mbajë sekret jetën e djalit të saj, por nuk mund ta mbajë dot sekret faktin që e do shumë të birin.
Reagimi i reperes vjen pak më shumë se një muaj pasi u raportua se ajo mirëpriti fshehurazi një bebush me të dashurin e saj reper, Playboi Carti, 23 vjeç.
Lajmi u bë i ditur më 1 maj, pasi DJ Akademiks hyri në Instagramin e tij për të uruar Iggy-n dhe partnerin e saj.
