Justin dhe Hailey Bieber, të cilët lidhën kurorë në muajin nëntor, kanë hedhur një hap më shumë në marrëdhënien e tyre. Çifti i njohur ka vendosur të adoptojë një qenush dhe mbrëmjen e së shtunës e prezantuan edhe me fansat e tyre në rrjetet sociale.
“Njihuni me djalin tonë qenush. Emri i tij është Oscar” –shkruante Justin Bieber.
Ndërsa Hailey e cilësonte në “Instastory”, si dhuratën e Krishlindjeve. Ende nuk dihet ekzaktësisht raca e Oscar, por ngjan afërsisht me atë të “Maltese Yorkie”.
Justin dhe Hailey konfirmuan martesën në nëntor, ku Hailey ndryshoi mbiemrin në rrjetet sociale, ndërsa Justin publikoi një foto ku shkruante: “Bashkëshortja ime është e mrekullueshme”.
Tani hapin e rradhës, presim bebin e çiftit!
