2018-ta është përfundimisht viti i të famshmeve shtatzënë. Pas lajmit të bujshëm të shtatzënisë së Meghan Markle pak javë më parë, aktorja amerikane Amy Schumer, zbulon se është në pritjen e ëmbël.
Komediania publikoi një foto të Princit Harry dhe Meghan Markle, duke zëvendësuar fytyrat e tyre me imazhin e saj dhe të bashkëshortit Chris Fishcer.
Ajo u kërkoi në mbishkrim ndjekësve që të vizitonin faqen e gazetare së politikës, Jessica Yellin, pasi aty do të bëhej njoftimi surprizues.
“Dua të ndaj disa lajme për komunitetin tonë, mbase është thjesht zhurmë, por zhurmë e bukur. Nuk është puna ime që të jap rekomandime për të votuar, por ja disa rekomandime nga Amy Schumer. Lexojeni deri në fund”, shkroi gazetare.
Në fund të listës së rekomandimeve për votimet që do të mbahen në Amerikë, shkruhet se aktorja është shtatzënë me fëmijën e saj të parë.
Por fansat u stepën nga lajmi, pasi edhe më herët është përfolur për shtatzëninë e saj, gjë të cilën ajo e ka mohuar. Aktorja u përfol se ishte shtatzënë në korrik, pasi publikoi këtë foto:
Ajo e hodhi poshtë lajmi duke thënë se ideja e mbishkrimit ishte linja e saj e veshjeve, kushtuar femrave me përmasa XL.
Amy dhe Chris u martuan në një dasmë në plazh në shkurt të këtij viti, vetëm 3 muaj pasi u lidhën.
Burimi: Daily Mail
