Ajo është një ndër modelet që bëri jehonë jo vetëm në vendin tonë, por edhe jashtë tij. Bëhet fjalë për Zana Krasniqin e cila mbahet mend gjithmonë për bukurinë e saj dhe ka ngelur në kujtesën e të gjithëve pavarësisht se prej kohësh është larguar nga pasarelat duke iu përkushtuar jetës familjare.
Zana Krasniqi është nënë e një vajze dhe një djali, Dua-s dhe Noelit, të cilëve ju ka dedikuar edhe jetën e saj. Mirëpo me sa duket familja e tyre do të shtohet edhe me një anëtar tjetër.
“Bebi numër 3…E bekuar”, shkruan Zana Krasniqi krahas një fotoje në Instagram ku na tregon edhe barkun e rrumbullakosur.
Nga fotoja duket se Zana është në muajt e parë të shtatzënisë dhe së shpejti do të bëhet nënë për herë të tretë. Fansat e saj të shumtë e kanë komplimetuar për pamjen e saj dhe të gjithë kanë qenë kuriozë të mësojnë gjininë e bebit, të cilën ajo ende nuk e ka bërë të ditur.
