Ditën e sotme, reperi shumë i dashur për publikun shqiptar, Noizy, feston 33-vjetorin e tij të lindjes.
Megjithëse ai ka vendosur të qëndrojë i heshur në Instagram, fansat e tij nuk e kanë harruar këtë ditë speciale, duke e uruar ku kanë mundur.
Disa kanë publikuar foto duke etiketuar Noizyn, me siguri shumë i kanë dërguar mesazhe, e të tjerë i kanë komentuar në postimet e vjetra duke i uruar ditëlindjen.
Megjithëse nuk ndau asgjë në Instagram nga ditëlindja e tij, Noizy na e dha pak më parë një lajm të bukur.
Ai ka publikuar një foto ku ka pozuar krah reperit të njohur italian, Capo Plaza, me të cilin me siguri do të sjellë një bashkëpunim.
“33 me fat”- shkruan Noizy krahas fotos së tyre dhe kaq ka mjaftuar që fansat të vërshojnë të lumtur në komente, duke i uruar Noizy-t ditëlindjen dhe duke i treguar se po e presin me padurim këngën e re.
Ne jemi të bindur që do të kthehet në hit! Mbetet vetëm të presim për të mësuar më shumë detaje nga bashëpunimi i dy reperëve.
