2017-ta deri më tani duket se është viti i dasmave. Një tjetër këngëtare i ka dhënë fund beqarisë mbrëmjen e kësaj të premteje në një ceremoni martese shumë surprizë. Lidhja e gjatë e dashurisë mes këngëtares së njohur Ertila Koka dhe Edgarit, arkitektit që jeton dhe ushtron profesionin në Milano, u celebrua në martesë me një ceremoni të veçantë e me shumë të ftuar.
Ky hap i rëndësishëm në jetën e çiftit nuk ka kaluar pa vëmendje, edhe për shkak të të ftuarve e miqve pjesëmarrës që kanë ndarë me fansat e tyre foto e video nga eventi.
Eneda Tarifa, Maya, Erik Lloshi janë disa nga këngëtarët e ftuar, por mes tyre ka pasur edhe shumë personazhe të tjerë të njohur, të cilët janë bërë pjesë e ditës më të lumtur të Ertilës.
Në një intervistë për “Panorama” pak kohë më parë, Ertila ka treguar se njohja me atë që ka sot për bashkëshort ka qenë vërtet një rastësi e bukur – takim pikërisht në natën e Halloëeen-it, ndaj pas saj, çdo ditë për ta ka qenë e tillë, e veçantë.
“Ishte dita jonë speciale, kur rastësisht unë isha veshur si engjëll në natën e Halloëeen-it 2012, dhe ai me të bardha. U takuam mes miqsh, filluam të kërcenim. Ishte dashuri me shikim të parë, pikërisht ajo kimia që tërheq dy njerëz që në fillim”, ka treguar Ertila për mediat.
