Ju ka marrë malli për Maya-n? Këngëtarja e njohur e muzikës popullore ka zgjedhur së fundmi të mos jetë shumë aktive në media, apo televizion dhe tanimë kuptuam edhe arsyen përse.
Për tetë muaj me rradhë, këngëtarja shqiptare Maya ia ka dalë ta mbajë shumë sekret pritjen e ëmbël. Në studion e emisionit “Fun Day” ditën e sotme, dy gazetarët e “Inlife” Armend Dumbo dhe Megi Bilo zbuluan se këngëtarja e njohur është shtatzënë. Gjithashtu, është mësuar se ajo do të bëhet nënë e një djali.
Tre muaj më parë, ajo publikoi këngën “Kënga jonë”, në bashkëpunim me këngëtaren Fatmira Breçani. Edhe gjatë klipit, këngëtarja ishte kujdesur të vishte fustane të gjëra, duke fshehur barkun e rrumbullakosur.
Këngëtarja ka lidhur kurorë prej disa vitesh me bashkëshortin e saj Benin, i cili është me profesion arkitekt.
