Këngëtarja e njohur, Ellie Goulding, shumë shpejt do të bëhet nënë për herë të parë. Artistja e hitit “Love Me Like You Do” dhe bashkëshorti i saj, Caspar Jopling, po presin fëmijën e parë bashkë ka zbuluar Ellie për Vogue. Ajo ka treguar se është 30-javëshe shtatzënë.
Goulding, që kurorëzoi dashurinë me Jopling me martesë në gusht të 2019-s, tha për revistën se ajo ishte shtatzënë gjatë një spektakli disa muaj më parë dhe as që ja kishte idenë.
“E zbuluam kur unë dhe Caspar udhëtuam jashtë me rastin e 1-vjetorit të martesës. Ishte çmenduri sepse ishte përvjetori ynë i parë. Nuk ishte ky plani. Mendimi se mund të isha shtatzënë nuk dukej se mund të bëhej realitet. Të mbetesha shtatzënë më bëri të ndihesha njerëzore. Po e shijoj shumë. Edhe bashkëshorti po e shijon shumë”, ka treguar Goulding.
Ajo është shprehur se në fillim nuk e besonte se ishte në pritje të ëmbël, por pas ndryshimeve të para në trup filloi ta merrte seriozisht.
“Fillova të kishte një trup komplet tjetër dhe energji tjetër. Nuk mund të pranoj gjithçka. Në fillim isha një njeri që haja vetëm gjëra të shëndetshme dhe pastaj papritur doja vetëm McDonalds. Dhe isha pak e trembur. Papritur doja gjithë gjërat e këqija. Doja vetëm sheqer dhe karbohidrate”, ka thënë këngëtarja.
Ajo ka shtuar se është shumë e lumtur që po bëhet nënë edhe pse bebushi erdhi paplanifikim.
