Cardi B dhe i dashuri i saj Offset qenkan martuar që vjeshtën e vitit të kaluar.
Lajmin e bukur e dha vetë reperja e njohur, e cila aktualisht është shtatzënë dhe pritet të sjellë në jetë fëmijën e saj të parë.
Nëpërmjet Instagramit ajo njoftoi se tha “po” shtatorin e kaluar dhe propozimi ishte aq i thjeshtë saqë Offset nuk kishte as unazë:
“Thashë ‘pranoj’ pa fustan, pa makiajzh dhe pa unazë. E vlerësoj dhe e dua bashkëshortin tim i cili donte që unë të kisha atë momentin special që çdo vajzë ëndërron dhe u ul në gjunjë dhe më vendosi unazën në gisht, e bëri për mua”, shkruan ajo.
Sipas certifikatës që zotëron TMZ, Kiari Kendrell Cephus (Offset) dhe Belcalis Marlenis Almanzar (Cardi) janë martuar në 20 shtator 2017 në Atlanta, Georgia.
