Rita Ora dhe Taika Waititi tashmë shfaqen kudo bashkë si çift.
Së fundmi, ata rrëmbyen vëmendjen e fansave me fotot që artistja publikoi si rrallëherë në “Instagram”.
Para dy ditësh, regjisori festoi 46 vite jetë, ndërsa sonte Rita vendosi që të bënte publike disa nga momentet e festës së tij të ditëlindjes, ku dyshja duken më të lumtur se asnjëherë.
Dalja e tyre publike ishte teksa parakaluan në tapetin e kuq gjatë premierës së “The Suicide Squad”, në Los Angelos.
Bukuroshja shqiptare ishte e veshur me një fustan të bardhë, i cili ishte i çarë anash në pjesën e belit. Ndërsa, Taika 45 vjeç kishte veshur një kostum gri me një këmishë të bardhë të mbyllur.
Kujtojmë se dyshja përfliten prej kohësh për një lidhje mes tyre. Fillimisht ishte Rita ajo që nxiti thashethemet për marrëdhënie, pasi publikoi në rrjete sociale një foto me regjisorin. Të dy ata dukeshin shumë të afërt me njëri-tjetrin, teksa Taika i kishte hedhur duart në qafë Ritës. Madje të dy ishin veshur gati njësoj me rroba nga marka e famshme “Gucci”.
Më pas, artistja shqiptare u fotografua teksa drekonte bashkë me regjisorin dhe personazhe të tjerë të famshëm në Sydney dhe që atëherë ata janë parë gjithmonë bashkë.
