Kjo verë padyshim do të mbahet mend si vera e hiteve dhe e bashkëpunimeve.
Pas karantinës, artistët e njohur shqiptarë janë rikthyer plot frymëzim për projekte të reja që do të bëjnë namin këto muaj.
Pasi dogji rrjetin me këngën e tij solo “I kam kall”, Ylli Limani ka një tjetër surprizë për fansat e tij.
Shumë shpejt ai do të sjellë një bashkëpunim me reperin e njohur Lumi B dhe pritet që kënga të jetë nam!
Nuk dihet ende një datë publikimi, mirëpo mësohet se dyshja është në punë e sipër të përgatitjes së hitit të ri.
Kënga është tashmë gati, ndërsa klipi pritet të xhirohet brenda pak ditëve nga “Imagine Films”.
Të gjithë u bëmë kuriozë për titullin e këtij projekti, të cilin do ta mësojmë shumë shpejt nga Ylli dhe Lumi B.
Qëndroni gati!
