Mbrëmjen e djeshme Luana Vjollca u rikthye në ekran me sezonin e ri të emisionit të saj “Shiko kush luan”. Ishte parashikuar që moderatorja të sillte spektaklin më të ri “Take me out”, por fansat “e detyruan” që ajo të rikthente si fillim emisionin argëtues.
Dje Luana kishte të ftuar disa nga emrat më të njohur të showbizzit si Mozzik, Emina Çunmulaj, Adrola Dushi, Xhesika Berberi, Kida, Lori Hoxha etj. Gjatë lojërave personazhet treguan detaje nga jeta e tyre, që kishin mbetur të pazbuluara nga fansat. Mirëpo surprizat e Luanës duket se nuk kanë mbaruar me kaq!
Moderatorja ka treguar se ditën e sotme na pret një “after party” pas emisionit që mund ta shihni në kanalin e saj në Youtube.
“Diçka ndryshe.. Për herë të parë! Pas çdo spektakli të madh mbahet një AfterParty, çdo javë pas spektaklit më të madh #ShikoKushLUAN jeni të ftuar në After Party-n më të bukur në histori, me të preferuarit tuaj, çdo ditë 19:00 në kanalin tim në YouTube”, ka shkruar Luana.
https://www.instagram.com/p/CFpEiwlnRy9/
Se çfarë do të ndodhë e do të thuhet në “after party” nuk dihet, por nga videoja e shkëputur duket se do të ketë shumë skena gazmore dhe ne mezi po presim t’i shohim!
