Pasi u bë nënë për herë të parë, moderatorja Klea Huta po punon për t’u rikthyer shumë shpejt në ekran.
Përveçse nënë me kohë të plotë, ajo ka gjetur mundësinë të punojë edhe me projekte të tjera jashtë familjes dhe ka përgatitur një surprizë të bukur për fansat e saj.
Siç u bë e ditur edhe më herët, këtë sezon të ri televiziv Klea Hutën do ta shohim në “Vizion Plus”, në një emision dedikuar muzikës nga vëllezërit Laço.
Klea do të jetë në drejtimin e këtij emisioni, ndërsa sonte ka zbuluar për herë të parë detaje mbi këtë projekt.
Programi do të titullohet “Këngë moj”, ndërsa ende nuk kemi një datë zyrtare për nisjen e transmetimit të tij.
Kështu, moderatorja konfirmoi zërat që qarkullonin për të lart e poshtë, duke na bërë ende më shumë kuriozë për këtë projekt të ri të cilin mezi po e presim!
