Këngëtarja me famë botërore, Dua Lipa performoi dje në Prishtinë, në një natë që do të mbetet e paharrueshme për të, duke qenë se ishte hera e parë që ajo këndonte në vendlindjen e saj.
Surprizat gjatë koncertit nuk munguan. Dua Lipa e nxehu atmosferën me këngët e saj, disa prej të cilave ishin të padëgjuara më parë. Këngët pritet që të jenë pjesë e albumit që Dua tha se do ta publikojë, në një ditë të shënuar për Kosovën, në ditën e pavarësisë së saj.
Dua i ka befasuar të gjithë kur ka kënduar edhe këngën që babai i saj, Dukagjin Lipa këndon bashkë me grupin kosovar Oda. Babë e bijë emocionuan publikun, teksa performonin “Beso në diell” një hit pop rok i punuar nga Dukagjini dhe grupi Oda, pak vite pasi kishte përfunduar lufta në Kosovë.
Ky ishte një prej koncerteve më të mëdha që janë bërë në kryeqytetin e Kosovës, më i madhi për shqiptarët pas koncertit të grupit “The Bloody Alboz”.
Shqiptarët, të cilët besohet se kanë qenë më shumë se 20 mijë, e mirëpritën Dua Lipën dhe kënduan bashkë me të hitet tashmë të njohura si “Hotter than Hell”, “Be the one”.
Dua është në fillim të karrierës së saj ndërsa albumi i parë pritet që të dalë, më 17 shkurt të vitit 2017.
Dua dhe Dukagjin Lipa – Express by GazetaExpress
Dua Lipa koncert 3 – Express by GazetaExpress
