Moderatorja dhe aktorja Rudina Dembacaj ishte e ftuara e ditës së sotme në emisionin e pasdites “Rudina” në “Tv Klan”.
Ajo foli për herë të parë në ekran për lidhjen e re me ish-deputetin, Mark Frroku, duke rrëfyer si u njohën si dhe planet e tyre për martesë.
Gjithashtu, Rudina u shpreh se ka ndërmend që në të ardhmen, ta bëjë me një motër ose një vëlla të voglën e saj, Viktoria.
Pikërisht kjo e fundit e ka përlotur të ëmën me surprizën e ëmbël që i kishin përgatitur.
Në monitor u shfaq një video-mesazh i vogëlushes, e cila tha para kamerës:
“Mami je shumë e bukur. Të puç mami dhe teta Rudina”
Ky mesazh e emocionoi dhe ia mbushi sytë me lot Rudinës, e cila ka treguar se e ka pikë të dobët vajzën e saj.
