Në dhjetor të vitit 2017, këngëtarja shqiptare Adelina Tahiri i dha fund beqarisë, pa fustan të bardhë e pa dasmë, vetëm ajo dhe partneri i saj, biznesmeni Serjoza Markov.
Por ajo që nuk dinim, është se historia e dashurisë mes çiftit ka nisur rreth tre vite më parë. Dhe bashkëshorti i këngëtares nuk e ka harruar këtë detaj të rëndësishëm të lidhjes së tyre, ndaj ditën e sotme ka përkujtuar përvjetorin e njohjes me Adelinën.
Serjoza Markov i ka dhuruar të shoqes, një buqetë në formë zemre, e mbushur me trëndafila të kuq. Është Adelina, e cila zbulon dhuratën për ndjekësit e saj në rrjetet sociale.
Duke e ditur sesi e përkëdhel bashkëshorti Adelinën me dhurata, jemi të sigurtë që ky është vetëm fillimi i kësaj nate të veçantë.
Një muaj më parë, çifti u bekua me ardhjen në jetë të një djali, të cilin e pagëzuan me emrin Jon.
