Gigi Hadid është sigurisht një supermodele e suksesshme, por milionerja 21-vjeçare nuk ka të krahasuar me pasurinë disa miliardëshe të babait të saj.
Mohamed Hadid, 67 vjeç ka treguar për “Harper’s Bazaar” super vilën e tij të pabesueshme në Bel Air, e quajtur Le Belvédère. Mohamad dhe gruaja e tij Shiva Safai treguan ambientet e brendshme të shtëpisë së tyre 4459 metër katrorë, për numrin e ri të Harper’s Bazaar Arabia, që të bëjnë të mendosh se përse Gigi dhe Bella nuk jetojnë aty.
Shtëpia, e cila ka website-n e vet në internet, është një vendbanim trekatësh dhe ka dhe një shtëpi roje. E frymëzuar nga vilat franceze, kjo shtëpi ngjan më tepër me një muze, që është ndërtuar dhe zbukuruar falë punës së 1000 punëtorëve.
Disa foto në numrin e ri të revistës tregojnë Mohamad dhe Shiva të veshur me klas që pozojnë brenda ambienteve të shtëpisë. Shtëpia përfshin një dhomë ndenjeje, një dhomë ngrënie me një tryezë me 20 vende, zyra, një dhomë muzike, një sallë pritjeje, një sallë për mëngjes, një kuzhinë kryesore, një qilar dhe dhoma për stafin.
Burimi: Daily Mail
