Të gjithëve mund të na ketë ndodhur të zhgënjehemi kur blejmë gjëra të lira, por jo cilësore! Kujdesi me blerjet online duhet që të tregohet veçanërisht me faqet apo dyqanet që nuk shesin veshje origjinale, sepse pikërisht nga këta të fundit vjen edhe zhgënjimi.
Jo gjithmonë ajo që reklamohet në faqet e shitjeve në internet është ashtu siç prezantohet dhe jo në pak raste është shumë herë më keq. Klientët e tmerruara nga ajo që kanë marrë në vend të asaj që kanë porositur, kanë paralajmëruar personat e tjerë për të mos bërë të njëjtin gabim.
Ky fenomen është i përhapur kudo në botë, ndërsa prej tij nuk ka shpëtuar as Shqipëria. Shpesh klientët shqiptarë vendosin që të kursejnë në gjërat që blejnë, duke iu drejtuar dyqaneve me mallra kinezë ose jo origjinale. Ajo që kanë mësuar: Jo vetëm që porosi nuk ka ardhur ashtu siç paraqitej në foto, por ata nuk do të mundin kurrë që t’i vishnin rrobat e blera.
Disa prej fotografive të marrë nga rrjetet sociale, tregojnë zhgënjimet e blerjeve të lira në Shqipëri dhe në shtete të ndryshme të botës.
Një rast i veçuar nga faqet online është shembulli i një nëne, Lindsay Ferrier, e cila vendosi të blinte pallto dhe bluzë në një prej dyqaneve online nga Singapori, që ofronte çmime shumë të lira.
Dërgesa që i erdhi?
Veshjet, pavarësisht se ishin porositur për masën e saj, erdhën të dizajnuara për përmasat e një fëmije, ku i përshtateshin kaq mirë së bijës. Zhgënjimi tjetër ishte me materialet, të cilat nuk kishin asnjë lidhje me foton.
Mësimi i saj, por edhe të gjithë atyre që janë zhgënjyer nga blerjet online: Dyqanet që ofrojnë çmime të lira nuk janë asnjëherë të besueshme!
*Shfleto galerinë
Burimi: Iconstyle
