Dasara Malltezi, mbesa e ish-kryeministrit Sali Berisha, hyn në punë e saj të parë! Dhe në fakt si punë të parë që provon mendojmë se Dasara nuk mund të ishte më e kënaqur se kaq. Ajo është zgjedhur si kryeredaktore e revistës franceze “Utopian Magazine”, pavarësisht se eksperiencat e saj në këtë fushë deri më tani janë zero.
Ajo njihet si një person që i pëlqen udhëtimet dhe të vishet me stil, gjë të cilat asnjë prej bashkëmoshatarëve nuk mund t’i siguronte nëse nuk do të kishte ato të ardhura.
Lajmin e gëzueshëm, 20-vjeçarja vendosi që ta ndante vetë përmes një postimi në “Instagram”: “Pas disa muajsh pune intensive, formësimin e idesë, konceptimin, duke punuar gjatë gjithë kohës pa pushim në një dietë të rreptë kafeine, unë jam më në fund e lumtur, gjithashtu jam e gëzuar të njoftojë se jam kryeredaktorja e revistës “Utopian Magazine” dhe unë jam me fat të punoj me njerëz jashtëzakonisht të talentuar dhe shumë punëtorë, Egla Harxhi, Enri Mato, Jarl Ale de Basseville! Faleminderit që jeni njerëzit absolutisht më të mirë që mund të kem kërkuar ndonjëherë për të punuar!”.
20-vjeçarja Dasara shfaqet në një foto e veshur vetëm me një këmishë të bardhë, me flokët e çrregullt dhe me buzëkuqin e kuq. Ndërsa qëndron e ulur mbi imazhin e saj qëndron i projektuar një foto e Dasarës duke tymosur një cigare.
*Shfleto galerinë
Burimi: Iconstyle
