20 janari është një datë e veçantë për këngëtaren e njohur Argjentina Ramosaj, e cila feston përvjetorin e saj të martesës.
Këtë vit mbushen plot 6 vite që ajo i ka thënë “Përgjithmonë PO” partnerit të saj, me të cilin ndan shpesh foto në rrjete sociale.
Sot, Argjentina është bërë nostalgjike dhe ka kujtuar me mall ditën e propozimit super romantik në Tajlandë, ku çifti ishte me pushime.
“Urime përvjetori dashuri”- shkroi ajo krahas fotove të tyre të bëra kolazh.
Fryt i dashurisë mes këtij çifti është djali i tyre, Noah, i cili erdhi në jetë po atë vit.
Argjentina dhe Dukagjini jetojnë së bashku në Prishtinë prej gjashtë vitesh.
Këngëtarja vendosi të shkëputet disa kohë nga muzika dhe për hir të së vërtetës mungesa e saj është ndjerë shumë, ndonëse është tejet aktive në rrjetet sociale.
Pas një pushimi goxha të gjatë, këngëtarja u rikthye këtë verë për t’i dhuruar fansave të saj një bashkëpunim.
Ajo solli një projekt të ri me Young Zerkën, i cili u titullua “Pishman” dhe u prit mjaft mirë nga publiku.
Por, duket se tashmë koha është vetëm për perla të reja dhe sikundër na kishte premtuar, gjithashtu ka publikuar këngën e re të titulluar “Who am I”.
Sikundër mund ta kuptoni edhe nga titulli, ky projekt është në gjuhën angleze dhe gjendet në You Tube në versionin “lyrics”.
Një baladë shumë e ndjerë që do na shoqërojë për shumë kohë.
