Dyqani Goop i Gwyneth Paltrow në Notting Hill ka qenë shënjestër e disa vandalëve të cilët kanë pasur si synim të lëndonin aktoren e njohur.
Ata i kanë hedhur para derës një grumbull plehu gjatë natës, duke tërhequr insekte dhe larguar kalimtarët.
Një banor lokal tha për The Sun: “Kjo është një rrugë dyqanesh të personazheve më të njohur nga Damon Albarn te Steven Spielberg. Dikush e ka me Gwyneth. Është një enigmë e vërtetë. Plehu u shfaq brenda natës, nuk mund të ishte rastësi”.
Gwyneth, 47, e hapi dyqanin në vitin 2018 pas suksesit të madh të blogut të saj për mirëqenien.
Në të shiten produkte për kujdesin e lëkurës, produkte shtëpiake, shëndetësore, veshmbathje dhe aksesorë – dhe madje ka pasur në shitje edhe një gjerdan me vibrator 123 paund.
Kritikat e para, Gwyneth i pati për pasojat shëndetësore të produkteve të saj.
Komania e saj arriti një marrëveshje prej 145,000 dollarë mbi sigurinë e produkteve përfshirë Vezën Golden Rose – që synohet të vendoset në vaginë për të përmirësuar shëndetin.
Në një deklaratë, Goop tha se marrëveshja nuk pranonte asnjë përgjegjësi nga ana e kompanisë dhe adresonte vetëm reklamimin, jo vetë produktet.
