Dy netë më parë një sulm terrorist tronditi Vjenën, ku si pasojë e sulmit me armë, mbetën të vrarë katër persona dhe njëri prej autorëve të aktit terrorist, si dhe u plagosën 22 të tjerë.
Policia e Austrisë ka bërë të mundur arrestimin e 14 personave si të dyshuar se kanë lidhje me sulmin terrorist, ndërkohë raportohet se mes të arrestuarve janë dhe katër shqiptarë, dy me nënshtetësi kosovare dhe 2 të tjerë nga Maqedonia e Veriut.
Sipas të dhënave nga KlanKosova, dy prej të arrestuarve janë Kujtim Kadriu dhe Arianit Fetaj nga Kosova dhe Argjend Ganiu dhe Uzeir Avdili. Familjarët Kujtim Kadriut lidhur me arrestimin e tij kanë deklaruar se ai është arrestuar aksidentalisht dhe se nuk ka të bëjë me rastin.
Sulmuesi kryesor është ekzekutuar nga policia vendase dhe ai është Kujim Fejzullahu nga Maqedonia e Veriut. Sulmi terrorist u mor përsipër nga Shteti Islamik ISIS dhe ishte i radhës pas atij në Francë, ku humbën jetën 3 persona.
Isis ndau një video të Fejzullahut që betohej për besnikëri ndaj udhëheqësit të saj, Abu Ibrahim al-Hashimi al-Qurashi, në arabisht dhe duke buzëqeshur ndërsa firmoste.
Ai gjithashtu mbante një jelek të rremë vetëvrasës, duke pasqyruar taktikën e përdorur nga terroristë të shumtë në sulmet e fundit në MB dhe vendet e tjera.
https://twitter.com/Geopolog/status/1323704139877130241?ref_src=twsrc%5Etfw%7Ctwcamp%5Etweetembed%7Ctwterm%5E1323704139877130241%7Ctwgr%5Eshare_3&ref_url=https%3A%2F%2Fgazetareforma.com%2Fsulmi-ne-vjene-isis-merr-pergjegjesine-per-aktin-terrorist-ku-u-vrane-4-persona%2F
