Këngëtarja Taylor Swift reagoi lidhur me sulmin me thikë në Southport. Swift tha se është plotësisht në shok pas ngjarjes së rëndë ku u përfshinë fëmijët që ndiqnin një klasë kërcimi të frymëzuar nga muzika e saj.
Swift, 34, tha në një postim në Instagram: Tmerri i sulmit të djeshëm në Southport po më mbulon vazhdimisht dhe jam plotësisht në shok… Humbja e jetës, pafajësia dhe trauma e tmerrshme ndikoi tek të gjithë ata që ndodheshin aty.
Dy fëmijë u vranë dhe nëntë të tjerë u plagosën me gjashtë prej tyre në gjendje kritike, në sulmin e “egër” në një klasë kërcimi. Dy të rritur, të cilët u përpoqën të mbronin fëmijët në sulmin e së hënës, janë gjithashtu në gjendje kritike, shkruajnë mediat e huaja.
Një djalë 17-vjeçar nga Banks në Lancashire, i lindur në Cardiff, Uells, është arrestuar me dyshimin për vrasje dhe tentativë vrasje dhe mbetet në paraburgim. Policia ka thënë se, megjithëse motivi i sulmit është i paqartë, nuk besohet të ketë lidhje me një sulm terrorist.
