Një ngjarje tragjike ka ndodhur në një shkollë të mesme në qytetin e Nantes, Francë, ku një nxënës 15-vjeçar ka sulmuar me thikë bashkëmoshatarët e tij, duke lënë një të vdekur dhe tre të plagosur.
Sipas autoriteteve franceze, sulmuesi u neutralizua nga mësuesit përpara se të mbërrinte policia në vendngjarje. Deri më tani, nuk ka indikacione që ngjarja të ketë motive terroriste. Hetimet janë në vazhdim për të zbardhur shkaqet e këtij akti të rëndë.
Ngjarja ka shkaktuar tronditje të madhe në opinionin publik francez dhe ka ringjallur debatet mbi sigurinë në ambientet shkollore.
