Sukses i jashtëzakonshëm! Filmi i regjisores shqiptare bëhet pjesë e festivalit më të rëndësishëm

Filmi i regjisores shqiptare Blerta Basholli, “Hive” ka shënuar suksesin e parë në arenën ndërkombëtare. Filmi është përzgjedhur për t’u bërë pjesë e festivalit prestigjioz të filmit “Sundance Film Festival”.

Lajmin  e ka dhënë vetë regjisorja e filmit, Basholli, që është shprehur shumë e lumtur për këtë arritje.

Lexo edhe :

Limi flet hapur për Albën: Më tërheq diçka më e thellë se pamja

23:42 14/01/26

“Ro*t ku t’i kesh…”, Shakohoxha ndan episodin me tifozin

23:10 14/01/26

“Lajm shumë i mirë për filmin tonë ZGJOI, i cili është pranuar në konkurrencë zyrtare në Sundance Film Festival 2021, në kategorinë Ëorld Cinema Dramatic Competition! Sundance është ndër festivalet më të rëndësishme në industrinë e filmit në botë dhe jam shumë e lumtur që pas një pune të gjatë e të palodhshme të të gjithë ekipit të përfshirë në të gjitha fazat e prodhimit të filmit ZGJOI, puna po na shpërblehet. Ju falënderoj të gjithëve prej zemrës se seriozisht jam kënaqë t’u punu me secilin prej jush!”, shkruan Blerta Basholli.

Më pas ajo ka shpjeguar për ata që nuk e dinë se filmi “Hive” është bazuar në një ngjarje të vërtetë, në historinë e Fahrije Hotit, që e ka frymëzuar regjisoren për punën e saj. Blerta thotë se zonja Hoti ka pësuar shumë tronditje nga lufta në Kosovë dhe megjithatë me punë e këmbëngulje ja arriti të bëhet e suksesshme në jetë.

“Filmi është i bazuar në ngjarje të vërtetë, në tregimin e znj. Fahrije Hoti, e cila për mua është inspirim e inkurajim m’e vazhdu m’e punu, e siç thotë ajo, mos m’e shiku as mbrapa as anash. Një tregim i një gruaje që ka pësuar shumë nga lufta por, e cila me punë dhe këmbëngulje është bërë e suksesshme tani do të ketë rastin të shihet nga një audiencë e gjerë e për mua si regjisore dhe skenariste e projektit kjo është pjesa më e rëndësishme. Dua të dëgjohet ky tregim sepse gratë nga Kosova gjithmonë janë treguar të forta e të suksesshme si në luftëra, ashtu edhe pas tyre, por për fat të keq shumë pak përmenden e mbështeten. Na shkoftë mbarë rrugëtimi me Zgjoi-n! Urime”, shprehet Blerta Basholli në Facebook.