“Xhenet” është seriali më i ri turk që ka nisur prej disa ditësh në televizionin “Klan”, ku rrëfehet historia e një vajze që braktiset që në lindje nga e ëma. Një ndër aktoret kryesore të serialit është Zehra Yilmaz, e cila njihet për rolin e saj në “Melisa” gjatë serialit, e cila është e dashuruar me Selimin.
Por duket se ky serial nuk i ka dhuruar vetëm famën dhe suksesin aktores turke, por e njohu edhe me dashurinë e jetës. Mediat turke bëjnë të ditur se ajo është në një lidhje me këngëtarin Cem Belevi, me të cilin u njoh gjatë xhirimeve të fundit të serialit.
Këngëtari ishte i ftuar në episodin final për të performuar në dasmën e çiftit kryesor, ku u njoh edhe me Melisën e ra në dashuri! Duket se skenari ka patur sukses edhe në jetën reale, pasi mes tyre ka nisur të lulëzojë një histori e bukur dashurie.
Çifti kaloi disa ditë bashkë në Antalya, duke shijuar pushimet si dhe angazhimet profesionale.
