Pas një dite të gjatë dhe të lodhshme në gjykatë të premten, A$AP Rocky është lënë i lirë.
Vendimi për lirinë e reperit vjen në fund të ditës së tretë të procesit gjyqësor, pas akuzave për një sulm në Suedi.
Një verdikt i formës së prerë do të shpallet më 14 gusht dhe sipas komenteve të avokatit, Rocky dhe të tjerët nuk është nevoja të qëndrojnë në Suedi.
Reperi u arrestua pas një videoje ku shihej duke bërë një sherr të madh gjatë vizitës në Stokholm, Suedi në fund të qershorit.
Që nga incidenti reperi A$AP shkoi vullnetarisht në rajonin e policisë për të folur për atë që ndodhi. TMZ raportoi se ai u arrestua “menjëherë” dhe se ambasada amerikane nuk u njoftua, gjë që është krejtësisht kundër protokollit.
Menjëherë pas kësaj, një gjykatë suedeze urdhëroi që ai të mbahej në paraburgim sepse ata mendojnë se ai përbën rrezik.
Mediat shkruajnë se A$AP është trajtuar shumë keq, duke u ushqyer me një mollë në ditë.
SHBA dhe artistët amerikanë lobuan fuqishëm për lirimin e reperit dhe ja më në fund ajo ditë erdhi. Vendimi i gjykatës është përshëndetur edhe nga presidenti Donald Trump, i cili i kërkon reperit të kthehet sa më shpejt të jetë e mundur në shtëpinë e tij (ASAP- As Soon As Possible).
