Mediat e huaja kanë bërë të ditur se si pasojë e përmbytjeve të papara që kanë goditur rëndë qarkun Maban të Sudanit të Jugut, janë prekur rreth 200 mijë njerëz, përfshirë refugjatët dhe popullatën pritëse.
Gjatë ditëve të fundit një numër i madh banorësh janë shpërngulur duke marrë me vete çfarë të mundeshin dhe gjërat e tjera janë shkatërruar.
Përmbytjet e mëdha nuk lejojnë as ndihmat të futen, pasi çdo hyrje është e bllokuar.
Për shkak të kushteve të vështira atmosferike, janë mbyllur edhe shkolla dhe ende nuk dihet se kur do të hapen sërish.
