Bukuria e Suada Sherifit i mori zemrën të gjithëve dhe bëri që të rrëmbente kurorën e “Miss Albania” në vitin 2005.
Vajza e bukur e ekranit shqiptar është një ndër personazhet televizive më të dashura për publikun, edhe pse kohët e fundit ka vendosur të distancohet pak prej tij për t’iu përkushtuar karrierës së re si notere, biznesit dhe mbi të gjitha vajzës së saj.
Deizi, jo vetëm që ka zbukuruar jetën e Suadës, por është shndërruar tashmë në mikeshën më të mirë të saj aq sa bukuroshja e vogël shoqëron mamin në provën e fustanit të nusërisë.
Sherifi ka publikuar dje në “Instagram” foto të saj dhe të bijës me fustane të bardhë, çka ka bërë që ndjekësit e saj të aludojnë se një dasmë e re mund të jetë në horizont.
E veshur me një fustan sirenë dhe një fustan të fryrë, Suada duket si një princeshë aq sa nuk do ta tepronim aspak po të thoshim që është nusja më e bukur që kemi parë deri tani.
Pavarësisht Suada ka deklaruar që thjesht ka bërë disa fotografi për një nga dizajnueset shqiptare.
