Suada Sherifi na ka shuar të gjithëve një kuriozitet të vogël që kemi pasur për të.
A është xheloz bashkëshorti i saj për një bukuroshe si ajo?
E ftuar në “Thumb”, Suada rrëfeu pa hezitim se partneri Eldi Dizdari me të cilin ka edhe një vajzë, është shumë xheloz:
“Kemi pasur shumë probleme xhelozie. Një ditë, e kisha telefonin silent dhe isha në makinë duke biseduar me një mikeshën time. Ai ndërkohë m’i kishte rënë 5 herë rresht telefonit, unë asnjë përgjigje se s’e kisha dëgjuar. O Zot! Gjithsesi, tani gjërat kanë ndryshuar paksa sepse edhe marrëdhënia është konsoliduar.”
Nga ana tjetër ajo vetë rrëfeu se është tepër tolerante:
“Çdo njeri është i lirë të bëjë çfarë të dojë. Çdo zgjedhje, qofshin edhe të gabuara, pjesa e pasojave është tjetër pastaj.”
Ndër të tjera, Suada vuri veçanërisht në dukje marrëdhënien fantastike që ka me vjehrrën, duke zbuluar se ajo është gjithnjë në krahun e saj.
