Vaksinat kundër Covid nga kompani si Pfizer, Moderna dhe AstraZeneca lidhen me rritje të lehta në çrregullimet e zemrës, trurit dhe gjakut, tregon një studim i ri.
Studiuesit nga Rrjeti Global i të Dhënave për Vaksinat krahasuan normat e pritshme me ato të vëzhguara të 13 kushteve mjekësore në një popullsi prej 99 milion njerëzish të vaksinuar në tetë vende.
Raste të rralla të miokardit u identifikuan në dozat e para, të dyta dhe të treta të vaksinave mRNA të Pfizer-BioNTech dhe Moderna: Shkalla më e lartë u pa pas dozës së dytë Moderna, sipas në studimit në revistën “Vaccine”.
Një gjendje tjetër e zemrës e quajtur perikarditi kishte një rrezik 6.9 herë më të lartë tek ata që morën një dozë të tretë të vaksinës AstraZeneca, ndërsa doza e parë dhe e katërt e vaksinës Moderna kishin një rrezik 1.7 dhe 2.6 herë më të rritur, respektivisht.
Sipas studimit, ekzistonte një rrezik 3.8 herë më i madh i zhvillimit të çrregullimit neurologjik të encefalomielitit akut të shpërndarë pas vaksinës Moderna dhe një rrezik 2.2 herë më të lartë pas vaksinës së AstraZeneca. CEO i kompanisë bioteknologjike Centivaix Jacob Glanville, i cili. nuk është i përfshirë në studim, tha:
Shanset e të gjitha këtyre sëmundjeve janë shumë më të larta kur infektohen me SARS-CoV-2 (COVID-19), kështu që vaksinimi është ende zgjedhja më e sigurt.
