Vetëm pak kohë pasi poema e Anne Frank u shit për 140 mijë euro në një ankand në Holandë, një studim sjell një version ndryshe të momenteve të fundit të saj.
Vajza që u bë e famshme në të gjithë botën nëpërmjet ditarit që mbajti gjatë Luftës së Dytë Botërore, dyshohet se është zbuluar aksidentalisht dhe jo nga ushtria gjermane.
Kërkuesit thonë se policët që gjetën familjen hebre në aneksin sekret mund të mos kenë qenë në kërkim të hebrenjve. I drejtuar nga muzeu i Anne Frank në Amsterdam, studimi hedh hije dyshimi mbi ata që mund të kenë tradhtuar familjen e vajzës së re.
Nga një analizë më e thellë e ditarit të saj, u kuptua se në të vërtetë ata gjendeshin aty për korrupsion dhe punë në të zezë. Familja Frank kishte marrë disa kuponë ushqimorë në mënyrë të paligjshme nga disa klandestinë, e cila mesa duket solli dhe fundin tragjik.
