Një studim i fundit i botuar në “Wall Streat Journal” ka arritur në konkluzionin se “Instagram” po krijon mënyra të reja për të dekurajuar përdoruesit që të fokusohen në pamjen fizike.
Sipas studiuesve të “Facebook” ata kanë zbuluar herë pas here se kjo platformë është toksike, veçanërisht për vajzat adoleshente.
Përgjatë 3 viteve të fundit janë kryer mjaft studime mbi mënyrën si aplikacioni ndikon në miliona përdorues të rinj.
Sipas hulumtimeve platforma mund të dëmtojë shëndetin mendor dhe imazhin e trupit.
“Një në tre vajza adoleshente i përjetojnë keq çështjet e imazhit të trupit” , u shpreh një studiues për “The Journal”.
Studiuesit thanë se veçanërisht Instagrami ndikon negativisht tek adoleshentët kur bëhet fjalë për “krahasimin social” kur përdoruesit e këtij rrjeti përqendrohen në aspekte si pasuria, pamja ose suksesi.
“Ne jemi optimistë me kujdes se këto shtytje do t’i ndihmojnë njerëzit të drejtohen drejt përmbajtjes që i frymëzon dhe i lartëson ata, dhe në një masë më të madhe, do të zhvendosë pjesën e kulturës së Instagram që fokusohet në atë se si duken njerëzit”, thanë studiesit.
Pavarësisht kundërshtimeve nga prindërit dhe ligjvënësit në Uashington, Facebook ripohoi në korrik se po përparonte me planet për të ndërtuar një Instagram për fëmijët nën moshën 13 vjeç.
“Unë jam i tmerruar dhe i alarmuar nga shënjestrimi i Facebook ndaj adoleshentëve me produkte të rrezikshme ndërsa fsheh shkencën e ndikimit të tij toksik. Nëpërmjet legjislacionit, nënkomiteti im i tregtisë do të veprojë për të mbrojtur fëmijët dhe për të mbështetur prindërit”, u shpreh Senatori Richard Blumenthal, një demokrat nga Connecticut.
