Studentja shqiptare Silva Doçi, bëhet me dije nga “Top Channel” se ka përfunduar periudhën e qëndrimit në dhomën e izolimit.
Prej 14 ditësh ajo ndodhet në Turqi dhe ka bërë të gjitha ekzaminimet e nevojshme për koronavirusin dhe ka rezultuar negative.
Ajo do të kthehet në Shqipëri në ditët në vijim, sapo të marrë dritën jeshile nga mjekët turq.
Studentja shqiptare u evakua përmes një avioni ushtarak nga qyteti kinez ku shpërtheu koronavirusi, Wuhan.
Silva ka bërë kërkesën për kthim në Shqipëri prej disa javësh, megjithatë procedurat kanë qenë të vështira, pasi ajo ndodhej në qytetin ku të prekurit nga virusi ishin në një numër të lartë.
Koronavirusit nuk i kanë shpëtuar as mjekët dhe infermierët në Kinë. Teksa kujdeseshin për personat e tjerë, ata janë infektuar dhe në vend ka mungesë stafi.
