Një studente stomatologjie 23-vjeçare nga Franca, fitoi kurorën e Miss Universe të hënën në Filipine, duke u shpallur kështu fituesja e parë franceze e konkursit vjetor në 64 vjet.
Iris Mittenaere nga qyteti Lille, në Francën veriore, iu përgjigj pyetjes së fundit në konkurs, se ajo do të jetë e nderuar në qoftë se do të ulej në mesin e tre finalistëve. Bukuroshja franceze u habit dukshëm kur u shpall fituese në mesin e 86 garuesve.
Shoqëruesja e parë e miss-it u shpall vajza nga Haiti dhe shoqëruesja e dytë, vajza nga Kolumbia. Lindita Idrizi nga Shqipëria dhe argjentinasja Camilla Barraza nuk mundën që të bëheshin pjesë e TOP 13 vajzave më të bukura të këtij edicioni.
