Butrinti është vlerësuar si pasuri e trashëgimisë së njerëzimit dhe mbrohet nga UNESCO, që nga viti 1992. Tashmë ai është zgjedhur si një nga vendet që do të vizitohet nga studentët e huaj.
Kursi online ndërkombëtar i organizuar nga Universiteti i Bristolit, ndër më të mirët në Angli, ka përzgjedhur studentë nga gjithë bota, të cilët do të studiojnë modelet e turizmit kulturor nga gjithë bota. Ndër tyre, model nga Shqipëria është zgjedhur Parku Kombëtar i Butrintit.
Sipas “Future Learn”, Butrinti është një nga modelet më me interes për t’u studiuar nga kursi.
Auron Tare, drejtor i Agjencisë Kombëtare të Bregdetit është përzgjedhur si personi, i cili do të drejtojë këtë program online, ku janë riregjistruar studentë nga e gjithë bota.
