Ndërsa studentet e universiteteve të Tiranës vazhdojnë bojkotin e mësimit që regj dhjetorit të vitit të kaluar, ata që janë kundër tij nuk lejohen që të futen brenda godinës së fakulteteve.
Sipas një rezultatit të një sondazhi të bërë në Fakultetin e Ekonomisë, 70% e studentëve ishin shprehur pro bojkotit dhe 30% ishin për fillimin e procesit mësimor.
Pikërisht 30% e studentëve, që morën pjesë në sondazh, shkruan pranë Fakultetit të Ekonomisë për të zhvilluar normalisht mësimin dhe nuk u lejuan.
“Në mëngjes kanë ardhur shumë nxënës që ishin për mësim, por nuk kanë hyrë dot se dera ishte e bllokuar me karrige e banka. Ndërkohë që zysha po na priste jashtë. Do presim ç’do zgjidhi dekani, ne nuk kemi gjë në dorë, por do vijmë si çdo ditë për mësim”, thotë një studente për “Top Channel”.
Nga ana tjetër, ministrja e dekretuar e Arsimit, Besa Shahini njofton shtyrjen e afatit të mbledhjes së dokumentacioneve për bursat dhe tarifave të shkollimit, pasi puna në sekretariatet e fakulteteve është penguar. /TCH
