Mbrëmë u mbajt koncerti “Alpha Show” organizuar nga Noizy, ku të ftuar ishin shumë artistë shqiptarë por edhe të huaj mjaft të famshëm.
Shumë fansa u mblodhën në skenën e madhe në sheshin “Nënë Tereza”, ku u dhurua një spektakël i vërtetë.
Performancat e këngëtarëve u pëlqyen dhe u duartrokitën nga fansat që ndodheshin në koncert.
Reperi Stresi gjithashtu u ngjit në skenë, ku performoi hitet e tij më të suksesshme. Jo vetëm kaq por ai ka treguar edhe një sekret që askush nuk e ka ditur.
“13 vite më parë po tek ky shesh këtu jemi zënë për herë të parë dhe po tek ky shesh sot këtu jemi më të fortë se kurrë”– tha Stresi për raportin e tij me Noizy-n.
Deklarata e tij u shoqërua me brohorima nga fansat. Gjithashtu, mes Stresit dhe Noizyt pati edhe një përqafim.
Performanca mjaft të mira dhuruan në skenë edhe artistët si Loredana Zefi, Ledri Vula, Ylli Limani, Dhurata Dora, Elgit Doda, Ardian Bujupi, Xhensila Myrtezaj, Mc Kresha dhe Lyrical Son, Finem dhe Solo, Kida edhe Stresi.
Gjithashtu, “Semafori” i dy reperëve mjaft të njohur dhe të suksesshëm për publikun shqiptar, MC Kresha dhe Lyrical Son u këndua sërish, ku performanca e dyshes elektrizoi skenën.
