Reperi Stresi ka rrëfyer për herë të parë aventurën e tij të arratisjes nga komisariati. I ftuar në emisionin “Zonë e Lirë” në Tv Klan, reperi ka treguar se për planin e arratisjes jashtë Shqipërisë është ndihmuar nga familja e tij.
“Isha në dhomë me ata dhe u hodha nga dritarja sepse dritarja ishte e hapur, isha pa këpucë, ka qenë ora 5 e gjysmë e mëngjesit, policët ishin të trullosur dhe kishte goxha polica në Komisariat. Kur jam hedhur kishte edhe në derë tjetër, ajo rri pak hapur dhe nga aty unë kam marr vrap drejt derës. Polici i dezhurnit më pa, por ishte i moshuar. Kur u hodha nga kati i dytë, rashë mbi kofanon e një makine policie. Nuk pata asnjë incident gjatë hedhjes sepse kam një fizik të mirë. Imagjinoni që ka qenë shi dhe kam qenë pa këpucë. U futa më pas nëpër pallate dhe kam arritur deri tek Cirku. Aty kam gjetur një tunel dhe më pas arrita në një taxi. Shkova tek gjyshja ime që e ka shtëpinë tek ‘Fresku’ dhe nuk i shpjegova asgjë por fjeta direkt. Kur u zgjova pas shumë orësh, pash të gjithë mediat që ishin mbushur me lajme për arratisjen e Sresit…” – ka treguar ndër të tjera reperi.
“Më pas në darkë jam nisur për në Shkodër. E kam kaluar doganën për Malin e Zi, i lidhur në ujë, dhe të mendosh që ka qenë shkurt dhe uji ishte shumë i ftohtë. Më pas kam ikur në Kroaci, më vonë në Slloveni dhe në të gjitha këto, kam qenë i shoqëruar me prindërit e mi. Dhe jam shumë i lumtur që ata nuk më lanë në baltë as në momentet më të vështira” – ka thënë Stresi duke i habitur të gjithë me deklaratën e tij.
Më pas ai ka treguar se për të kaluar Slloveninë kanë paguar para sepse nuk e lejonin për shkak të dokumenteve.
