Reperi i njohur, Arkimed Lushaj u arrestua ditën e djeshme nga forcat blu. Ai së bashku disa miq të tij u kapën duke konsumuar kokainë në një ndër lokalet e Tiranës.
Pasi i është komunikuar arresti Stresi ka mohuar se ai posedonte kokainë në momentin kur u ndalua nga Policia. Në dëshminë e dhënë në Polici, reperi ka deklaruar se ka konsumuar lëndë narkotike, por kokainën nuk e kishte ai.
“Jam përdorues droge, por nuk merrem me shitjen e saj. Kokainën nuk e kam blerë, unë e gjeta në lokal ku e kishin sjellë disa djem për ta pirë. Me miq konsumoj drogë kur e gjej. Dua të më lironi se nuk kam bërë asnjë shkelje”, raporton “News24”.
Sipas njoftimi të policisë, Stresi dhe Kujtim Pershpalaj, 34-vjeç, së bashku me tre persona të tjerë që u proceduan në gjendje të lirë, janë kapur në kushtet e flagrancës duke konsumuar lëndë narkotike brenda në lokal.
Gjithashtu Policia bën me dije se materialet procedurale të sekuestruara do ti kalojnë Prokurorisë pranë Gjykatës së Shkallës së Parë Tiranë për veprime të mëtejshme hetimore për veprat penale të “Prodhim dhe shitje e lëndëve narkotike në formën e mbajtjes, “Përshtatja e lokalit për përdorim droge”, dhe “Mos kallëzim krimi”, të parashikuara në nenet përkatëse të Kodit Penal.
