Ditën e sotme personazhe të showbizit u shprehën të hidhëruar në rrjete sociale për humbjen e një prej miqve të tyre më të dashur. Bëhet fjalë për 22-vjeçarin, Eronit Sermaxhaj, i cili u nda nga jeta ditën e sotme pasi nuk fitoi betejën me një sëmundje të rëndë.
Në lidhje me këtë lajm të trishtë ka reaguar edhe Stresi. Reperi ka publikuar një foto të të ndjerit dhe përkrah saj shkruan i prekur:
“Shpirti i vëllait s’di ça të them tjetër përveçse lamtumirë o engjëll”.
Gjithashtu reperi ju ka dhënë një mesazh me vlerë gjithë ndjekësve të tij. Ai shprehet se duhet t’ju ofrojmë sa më shumë dashuri të gjithë njerëzve sa janë gjallë, sepse kur ndahen nga jeta fjalët e mira nuk kanë më vlerë.
“Kur një njeri që e kam dashur dhe ndërron jetë mua më prishet gjithë dita dhe përmbyset gjithçka për momentin. Nuk flas kot e bërtas duajeni more nënën, babain, vëllain, motrën dhe njerëzit e afërt që dhanë prova për ju. Një jetë kemi dhe vetëm pasi vdes dikush i japim poezi e themi ishte njeri i mirë, jo s’jam dakord aspak duaje sa është gjallë që të mos pendohesh kur të vdes”, shkraun reperi.
