Telenovelat turke janë kthyer në një fenomen shumë të pëlqyer nga shqiptarët. Mes tyre është edhe reperi i njohur Stresi, i cili vazhdimisht poston foto në rrjetet sociale nga momentet e serialit të tij të preferuar “Sulltanesha Kosem”.
Na duket e pa besueshme që një “Bad Boy” si Stresi të shikojë telenovelat turke, por është mëse e vërtetë dhe ai ndihet shumë i përfshirë tek to ndërsa i shikon. I ftuar në emisionin “Rudina” ka treguar se është një ndjekës i rregullt i “Sulltanesha Kosem” dhe ka një arsye të fortë përse e ndjek.
“Më pëlqejnë shumë të tilla seriale, kanë emocion. Tek këto seriale kam mësuar shumë në lidhje me nuset dhe vjehrrat. Jam shumë i papërgatitur, shoh shumë lloj serialesh dhe përgatitem për martesën time”, tha Stresi, duke treguar në këtë mënyrë arsyen se pse e ndjek këtë serial turk.
