Reperi i njohur Stresi do të jetë sërish në koncertin ‘Alpha Show’ të Noizy-t. I ftuar ose jo si këngëtar, Stresi sapo ka konfirmuar se do jetë i pranishëm në koncertin që do zhvillohet pas disa muajsh.
‘A jeni gati që tashi për datën 4 gusht? Alpha Show’- shkruan Stresi teksa ka ndarë foton e koncertit të një viti më parë, ku performoi në skenë.
Ajo natë ishte e paharruar për fansat e reperëve pasi për herë të parë pas sherrit të bujshëm, dyshja tregoi publikisht se janë miq të mirë e se i kanë lënë në të shkuarën keqkuptimet.
“Alpha Show” do të jetë koncerti madhështor i Noizy-t, ku shumë artistë shqiptarë e të huaj do të performojnë në skenën gjigande që do këtë vit pritet të mbahet edhe në Zvicër.
