Megjithëse është aktiv në rrjetet sociale, rastet kur Stresi bisedon virtualisht me ndjekësit e tij përmes ‘ask me a question’, nuk janë të shpeshta. Por së fundmi reperi iu ka dhënë mundësinë ndjekësve të tij që të mund t’i drejtojnë pyetje, disa prej të cilave ka vendosur t’iu përgjigjet.
Teksa vlerësoi prindërit e tij si “pasurinë më të madhe” që ka, Stresi zbuloi ëndrrën e tij të fëmijërisë.
Reperi rrëfeu për ndjekësit e tij se gjithmonë ka dashur që të ndjekë rrugën e të atit, Sali Lushës, i cili ka qenë bodyguard i ish-kryeministrit Sali Berisha. Stresi ndau gjithashtu një foto nga fëmijëria ku shihet pranë Berishës vite më parë.
“(Ëndrra ime ka qenë ) të isha njeriu më i afërt dhe më i besuar i Sali Berishës si babai im dhe kur isha fëmijë kështu i thoja nënës time, dua të bëhem si babi me rujt Berishën, isha i vogël në klasë të parë. Këtu jam te fotot, viti 1997”- shkruan Stresi.
Më tej një tjetër ndjekës e pyet Stresin: “A ka goca të mira a s’ka më?”
Përgjigja e reperit ishte e shkurtër, megjithatë la vend për interpretim. Mes të tjerash në përgjigjen e tij, Stresi shkruan se “është mësuar me mendjelehta”, duke ndezur dyshime se ky ‘thumb’ i drejtohet ish-partneres së tij Keisit.
“Normal që ka por nuk i sheh dot do punë puna për goca të mira se ne jemi mësuar me këto mendjelehtat”- shkruhet në përgjigjen e plotë të Stresit, i cili i ka fshirë më pas ‘story-t’
Çifti Keisi dhe Stresi kanë qenë jo pak të komentuar për shkak të marrëdhënies së tyre të trazuar. Por teksa dukej se dyshja kishin rënë në qetësi, Stresi nuk e ka lënë për shumë kohë të qetë ish-partneren e tij. Pas dyshimeve se dyshja janë ribashkuar, Stresi thumboi përsëri ish-in e tij gjatë një interviste (KLIKO).
Një tjetër fans e pyet Stresin për “arsyen e jetesës”. Në përgjigjen e tij reperi bëri një shkrim të gjatë:
“Jetoj jetën që më ka dhënë i madhi Zot dhe e falendëroj çdo ditë për çdo rrahje të zemrës që më jep. Na dhuroi krijesën më të shtrenjtë të njerëzimit babain, motrën, vëllain.
Arsyeja e jetës është sepse ne jemi në provë! I madhi Zot e provon njeriun në lloj lloj mënyre. 1. Në besë mos prej. 2. Mos spiuno. 3. Mos dhuno
Një jetë kemi bëj mirë se s’të kushton asnjë gjë nëse ke mundësi. Nëse s’ke rri në punën ëndë mos i bëj njeriu dëm”- shprehet reperi.
