Duke qenë se izolimi në shtëpi po bëhet dita-ditës më i vështirë, njerëzit po përpiqen të gjejnë mënyra argëtuese për të shtyrë kohën e tyre.
Këto ditë në Instagram qarkulloi sfida e fotove të vjetra, e cila konsistonte në publikimin e fotove të viteve më parë nga kushdo që nominohej.
Mirëpo, krahas kësaj sfide, reperi Stresi nisi edhe një sfidë të re në Instagram.
Vetëm disa minuta më parë, ai publikoi në llogarinë e tij një video të rrezikshme, ku shfaqej duke “i vënë flakën” shokëve të tij të cilët flinin.
“Çohuni pra prej gjumi un sfidoj te gjith me kete video . Dita e 7 ne karantin skisha ca me bo . @flor.bana @mario_r_20 sory me duhet ta postoja . Jeni te gjithe te etiketuar boni video sa me crazy ta kalojm ne hajgare ket pun ??”- shkruante Stresi në postimin e tij.
Mirëpo, kjo është një lojë tepër e rrezikshme dhe inkurajimi i njerëzve për të bërë gjëra të tilla duhet të ndalë menjëherë!
Shëndeti i askujt nuk duhet të vendoset në rrezik, sidomos për shkak të një loje.
Për më tepër, Stresi ndiqet masivisht nga moshat e reja në llogarinë e tij në Instagram, ndaj ky nuk është aspak një shembull i mirë për fansat e tij.
Urojmë që sfidës së sapohapur t’i jepet fund, para se dikush të lëndohet thjesht për t’u argëtuar në karantinë!
