Në fund të vitit që lamë pas, Stine njoftoi se i kishte dhënë fund marrëdhënies së tij me partneren Graciela. Historia e tyre e dashurisë përfundoi në prag të Vitit të Ri dhe këngëtari në atë kohë e bëri të ditur përmes një postimi në Instagram.
“Kam bindjen e plotë se do të funksionojmë më mirë pa njëri-tjetrin! E kemi patur fatin dhe mundësinë me mijëra herë për të kaluar barrierat e jetës, por ndonjëherë gjërat nuk shkojnë ashtu siç ne i mendojmë”, sqaroi ndër të tjera Stine në atë kohë, ndërsa postimi nuk ekziston më në profilin e tij.
Por gjatë intervistës së sotme në emisionin “Pasditja ime”, Stine u shpreh se ka “një dritë jeshile” për rikthim.
“Nuk them që ka mbaruar apo ka filluar. Ne kemi raporte të mira, takohemi me vajzën. Po u soll mirë, do ta shikojmë”, tha Stine.
Ai shtoi se gjithçka ishte akumuluar për një kohë të gjatë dhe më pas shpërtheu për gjëra fare të vogla.
Kujtojmë që Stine dhe Graciela kanë një vajzë 2 vjeçe të quajtur Estia.
https://www.instagram.com/p/Bqu1AcYgxaA/
