Tre çifte i dhanë fund beqarisë brenda tre muajve, por duket se nuk e kanë ndarë ende mendjen për të zgjeruar familjen. Nga ana tjetër stilisti i njohur Valdrin Sahiti pritet që të kurorëzojë dashurinë e tij këtë fund shtatori.
Mësohet se çifti do të kurorëzojë në martesë lidhjen e tyre disa vjeçare në një ceremoni, që do të mbahet në SHBA. Los Angelos, New York ose Las Vegas: këto janë tre alternativat e mundshme që çifti po shqyrton si vendi i duhur për t’u celebruar.
Nga ana tjetër mësohet se çifti do të bëhet së shpejti prindër. “Gazeta Ekspres” bën të ditur se e fejuara e Valdrinit, Edita Ramadani është në pritje të një fëmije. Nuk dihet ende gjinia e fëmijës, por mendohet se kjo mund të jetë një arsye që çifti ka përshpejtuar përgatitjet për dasmën.
2017-ta ka qenë padyshim viti i dasmave, ku shumë çifte të njohura shqiptare kanë zgjedhur t’i japin fund beqarisë së tyre. Listës së gjatë ku mund të përmendin Turin dhe Orindën, Xhensilën dhe Besin, Marinën dhe Getoarit, do t’i bashkohet edhe Valdrini dhe Edita.
Urime çiftit!
