Mjafton t’u hedhësh një sy profileve të fashionistave dhe blogereve më të famshme të modës në botë për të kuptuar se një fustan në veçanti, së fundmi është shndërruar në të preferuarin e tyre.
Bëhet fjalë për fustanin me pika, ikonën e viteve ‘50 që herë pas here rikthehet për t’u shndërruar në trendin e momentit, siç ka ndodhur së fundmi. Ndaj, blogerja e famshme shqiptare e blogut Angelinas Lookbook, Anxhelina Kotorri, do të sjellë ekskluzivisht për “Iconstyle.al” 3 kombinime fantastike për fustanin me pika, parandaj ka ardhur momenti ta nxirrni nga dollapi.
Kombinimi 1
Në rast se fustanin me pika planifikoni ta vishni në mëngjes, atëherë mos hezitoni aspak të bëni një miksim stilesh duke e kombinuar atë me atletet voluminoze, që së fundmi gjithashtu janë shumë në modë.
Për të balancuar kontrastin e stileve, inkorporoni në look-un tuaj dhe në çantë kashte dhe jeni gati.
PS: Një palë syze stil retro janë domosdoshmëri.
Kombinimi 2
Nëse planifikoni një pasdite me miqtë, mjaftojnë vetëm disa ndryshime të vogla që fustani juaj me pika të marrë një pamje tërësisht të ndryshme.
Një rrip mesi alla “Off White” do t’i japë fustanit një pamje super moderne e po ashtu edhe një palë shapka të larta me majë në ngjyrë neutrale.
Për t’i dhënë edhe më tepër stil pamjes suaj, mos ngurroni të shtoni një kapele dhe syzet super chic stil Matrix.
Kombinimi 3
Mendonit se s’mund të vishnit në mbrëmje të njëjtin fustan që vishni në mëngjes? Mendoni sërish! Një palë sandale me taka do të bëjnë të gjithë diferencën dhe bizhuteritë po ashtu.
Anxhelina ka zgjedhur ngjyrën e kuqe për të krijuar kontrastin e duhur dhe mos harroni: Sa më shumë bizhuteri aq më mirë! Në këtë rast, perlat oversize janë qershia mbi tortë.
Burimi: Iconstyle.al
