Nëse ke një llogari Instagram-i dhe ke qoftë edhe një fije të hollë interesi për modën, atëherë me siguri nuk ka si të të ketë shpëtuar nga sytë trendi i fundit i çantave që ka fiksuar fashionistat në mbarë botën.
Bëhet fjalë për çantat e brezit, të cilat e kanë lënë pas reputacionin e keq të fundviteve ’90 dhe janë rikthyer për t’u shndërruar në një prej trendeve më të bujshëm të këtij viti falë supermodeleve të famshme dhe fashionistave në mbarë botën.
Ndaj nëse ende nuk e keni një të tillë, ka ardhur momenti ta blini dhe me ndihmën e blogeres Sarah Berisha, mund të mësoni dhe disa kombinime që do t’ju sigurojnë komplimenta pafund.
Kombinimi 1
Një look që do t’ju sigurojë menjëherë statusin e vajzës “cool”. Shndërrohu në një çapkëne të vërteë duke e kombinuar çantën e brezit me një fund të shkurtër, një bluzë me vija dhe një kapele.
Për ta bërë look-un edhe më trendy, Sarah ka zgjedhur edhe një palë syze stil “cateye”.
Kombinimi 2
Nëse doni që i gjithë fokusi të jetë mbi çantën, atëherë qëndroni tek neutralet. Një bluzë “nude” e kombinuar me xhinse në ngjyrë të hapur dhe sandale minimaliste janë ideale për një pamje sexy dhe jo shumë të mundimshme.
Dhe siç ka treguar edhe Sarah, çanta e brezit nuk është e thënë të mbahet vetëm në brez!
Kombinimi 3
Guxoni të dilni nga skemat dhe kombinojeni çantën e brezit më një fustan chic. Fustanet në formë xhaketash gjithashtu janë trend tashmë dhe siç shihet qartë, kombinimi mes të dyjave duket një mrekulli.
Jepini edhe më tepër stil pamjes duke zgjedhur bizhuteri klasike si vathët me perla.
